PIGIAGUTIT

Tahapkuat pigiagutit pinguqtai Nunalingni Kavamatkunnilu Pivikhaqaitikkut ikuyuqttut tapkununga Ikummatiit – tapkuat Kavamatkut Nunavutmi tamaitnut aikumatyutit atugakhaliat.

Nunavut Ikumatyutit Aulatauninut Havagutit (NEMP-ngi)

Tapkuat Nunavut Ikumatyutit Aulatauninut Havagutit (NEMP-ngi) tamna nunatagauyumun pigiagut atuqtauyuq tapkunangat Kavamatkut Nunavutmi. Tapkuat NEMP-ngi mikhigiagutauniat ikumatyutit imaqlu atuqtauni nunamingaqtutlu uqhukhat atuinaqninut huli ilagiaqhugit ikumatyutit ilittugiyaunit nunaliuyutlu ilauttaqnit.

Green Pitaqniinut Maligait

Tapkuat Green Pitaqniinut Maligait pivaliatitauyut havagininut tapkuat niuviqni Ikumatyutit Nakuuyut Piyauni hanalgutit, tapkuanguyut 10% tikitlugu 35% ikumatyutivalliit piyagakitni tatya atuqtuniunganit hanalgutit. Una tugaqpiaqhugu ikayurtuq tapkununga GN-kut ikumatyutinut atuqluartailininut tugaqtai atuqhugit Ikummatiit tapkuatlu ikumatyutit atuqluaqtailinit atuqtuagauyuni nanminigiyauyunilu igluqpakni. Tapkuat Kavamatkut Nunavutmi naunaiyaqtai akitunit ihuaqutitlu ilaliutiyauyut avatiliqutinut akitunit tahapkununga niuviakhanut ihumaliugutinut. Tatya tapkuat, havaktit pinahuaquyauyut atuqninik tapkuat Nakuuyumik Igluqpiurniqmun Pitquhit Naunaipkutat.

Havakvikmi Ikumatyutit Nakuunit Naunaiyautit

Tapkuat Havakvikmi Ikumatyutit Nakuunit Naunaiyautit uniqtutiaqhimayut naunaiyautit uuktugutit hanatyuhikhat nutaamut havagutit hanayauni Nunavutmi. Tapkuat piniqhat ihumagiyaunit tapkuat naunaiyautit atuqpiarninut atuni igluqpait hanatyuhikhaliat ilautitlugit akitunit nakuunit piyauni mikhigiaqtitiyut ikumatyutit atuqtauninik akituniniklui. Taimatut pipkaqtavut atuqpiaqnit mikhigiaqni tapkuat aktuanit qanugililamun avatigiyaptingnut.

Atuni hanatyuhikhat naunayaqtauyut tapkununga Kavamatkut Nunavutmi Nakuuyumik Igluqpiurnit Pitquhit Naunaipkutat, tapkuat ilalgit unniqtutai pivikhait uuktutit hanayaunit pitquhit atuqtauyut Nunavutmi. Una titigaq tatya ilalik nutanik ikumatyutit ilagiyat atuliqniat atuqpiarninik tahapkuat tamaita naamaktumik piyaunahuaqni pilugit mikhigiaqni ikumatyutit atuqtaunit nutaani igluqpakni.

Green Atuqtuagutit

Tapkuat Kavamatkut Nunavutmi atuqtuaqtitai qaphity igluqpait tapkunanga nanminigiyauyunit ilagiyait. Tatya piqattiangittuq piyumatyutikhanik piqutigiyauyunut maniyauyunut mikhigiaqninut ikumatyutit atuqtauninut. Tapkuat Kavamatkut Nunavutmi naunaiyaqtai pityuhit nutanguqtauninut tapkuat tatya atuqtut atuqtuagutit pinahuaqhugit atugahuaqunit atuqliqtauni ikumatyutit nakuunit atutqikhalatlu ikumatyutit pitquhit.

Save 10

Save 10 tapkuat malgungayut ilihagutit havagutai hanatyuhikhaliat ilihautiginit igluqpait maniyagiyait aulanit nutat nutanguqtigauyut havagutit ikayuqnilu havaktiuyut igluqpaitlu inugiyait (ilautitlugit ilihaqtut) mikhigiaqni ikumatyutinut imaqmutlu atuqnit havakvikmi, angilgami ilihaqvikmilu. Tauyauyuq SAVE 10 piplugit havaktit ilihaqtutlu mikhigialaqtai inmingnut atuqnit piqaqnit taphuminga 10% pilugit mikiyumik ahianguqnit upluq tamaat atuqpakniriyartik. Tahapkuat mikiyut ahianguqnit ilavalialat qilamik atuqpiartumiklu, mikhigiaqhugitlu uunarniinit aniattarnit kaasit puyungurtaqnit pipkailat hilap ahianguqninut—akhut hivuganautai nunaptingnut.