HAVAGUTIT ATUQPAKHIMANIT

2006-mi, tapkuat Nunavut Minihitagiyait angiqtai tapkuat Nunavut Ikumatyutit Aulataunit Havagutit Maligait tapkuat pipkaqtai Kavamatkut Nunavutmi atuqnit tatya atuqtut ikumatyutit maniktakhait pinahuaqlugit hivituyumun angigutit pilaqniliknut ikumatyutit aulataunit havaktit tapkuat kiinauyaqaqtitiniat, pivaliatitni atuqpaliani ikumatyutit nutanguqtiqni havanguyut.

Uuktugutilgit tapkunanga Kavamatkut Kanatami Kavamatuqait Igluaqpait Pigiagutit, tapkuat inmingnit-kiinauyalgit Nunavut Ikumatyutit Aulataunit Havagutit (NEMP-kut) ikayuqtai tapkuat GN-kut pipkaqnit kanturagutit pilaqniliknut ikumatyutit aulataunit havaktit. Hivunikhami ikumatyutit atuqluaqtailini atuqtauniat akiliqtutqikhaqninut tapkuat hanivaiviuni piyalgit uumunga havanguyumun. CGS-kut naunaiyainiarmiyut hivuliqtunik pitquhiqnik, tapkuat pilat maliniugutinut atuqninik tahamani Nunavutmi akhurnaqtumi hilani ikumatyutitlu akitunit pivakninut.

Tapkuat piyakhat havat atuqhugit uumani havanguyuq ilalgit taimatut piyut taphuminga ikumatyutit-atuqluangitnit qulliit, igluqpait aatumatikmik havagutit, hupittailitit, uququtit, igluqpait aulaninut ilihaqnit inugiyainutlu ilihaqnit. Tapkuat atuqluaqtailinit munagiyauniat naunaiqhimalugitlu atuni havagutini igluqpaknut havaktinit. Tamna Iqaluit Uuktugut Havanga hivuliuyuq Havanga pivaliatitnia maniktaliklu atuqhugit NEMP-kut.